Авӑн уйӑхӗн  24-мӗшӗнче «Шупашкар-Арена»  Пӑр керменӗнче республикӑри  «Сӗт  фестивалӗ-2016»  иртрӗ.Ҫак  уява  Ҫӗнӗ Мӑратри вӑтам шкулта  вӗренекен  Наумова Лиза, Андреева Наташа, Иванова Софья хутшӑнма тивӗҫрӗҫ. Маларах  ачасем Тихонова Т.В. вӗрентекен ертсе пынипе  «Сӗт тӗнчи  тӗлӗнтермӗшӗ» конкурса хутшӑнса ҫӗнтерӳҫӗсем пулса  тӑнӑччӗ. Хаваслӑ лару-тӑрура  пултаруллӑ  ачасене  Чӑваш Ен пуҫлӑхӗ Михаил Васильевич Игнатьев  Дипломпа  тата парнесемпе чысларӗ.  Уявра  ачасем тӗп хулари шкулсенче вӗренекенсен пысӑк  концертне курчӗҫ, Пӑр керменӗпе паллашрӗҫ, пирӗн тӑрӑхра  сӗтрен туса кӑларакан апат-ҫимӗҫе астиврӗҫ.Чӑваш Ен пуҫлӑхӗпе М.В. Игнатьевпа, ял хуҫалӑх министрӗпе С.Г. Артамоновпа курса калаҫни, сӑн ӳкерттерни  ачасен асӗнче нумайлӑха упранӗ.